صندوق الأمان
تبرعكم الكريم سيساعد الأيتام على إكمال تعليمهم وتأمين مستقبل أفضل





صندوق الامان | Success Story – Mais’s Story
16671
rtl,page-template,page-template-full_width,page-template-full_width-php,page,page-id-16671,ajax_fade,page_not_loaded,,qode-title-hidden,side_menu_slide_with_content,width_270,qode-child-theme-ver-1.0.0,qode-theme-ver-10.1.2,wpb-js-composer js-comp-ver-5.1,vc_responsive

قصة ميس

خلوني أحكيلكم قصتي اليوم بكل فخر وبدون خجل أو شعور بالنقص.

 

اسمي ميس، قصتي بدت بعد حادث مفاجئ أدى لوفاة أبوي، ومن هون تغيرت مجريات حياتي.

 

مرت الأيام بحلوها ومرها وما بقي عندي غير حلم واحد! وهو دراستي، وأن أحس بأنني مثل باقي الناس.

 

نجحت بالتوجيهي والحمد لله الفرحة اللي استنيتها تحققت واجتزت أول عقبة في حياتي، ولسى لهلأ متذكرة دموع أمي، الأم الفرحانة بنجاح بنتها والزغاريت اللي عبت المكان ونظراتها يلي كلها فخر. بس ما استمرت الفرحة إلا لدقائق بعد ما استوعبت إنو مافي مين يدفع عني مصاريف الجامعة… خيم الصمت علينا وأدركت إنو دخولي للجامعة صار مستحيل!

 

كيف رح ادفع رسوم الجامعة؟ مين رح يدفع لتعليمي؟ وإحنا يادوب قادرين ندفع إيجارالبيت.

ومرت الأيام وضاقت ظروفي أكثر، وفقدت الأمل في تكملة دراستي، بس ما استسلمت، اشتغلت بأكثر من مكان، بس كان العائق في إني اتطور في شغلي هو إني ما كملت دراستي، الحزن يلي على وجهي صار واضح أكتر وأكتر، لحد ماحكتلي صديقتي إنها سمعت عن جمعية اسمها صندوق الأمان لمستقبل الأيتام، وحكتلي إنهم بتكفلو بكل تكاليف التعليم والمصروف الشخصي.

 

وفعلاً اتصلت فيهم بدون علم حدا، وجد اتفاجئت بحماسهم وإصراراهم بأنهم يقابلوني بأسرع وقت، من هون بلش الأمل يتجدد بقلبي وتعرفت على الصندوق والخدمات يلي بقدمها لكل يتيمة ويتيم.

 

ومن أول زيارة تحقق حلمي، “تحقق حلمك يا بابا” (كلمات رددتها طول طريق رجعتي للبيت) بعد ما صرت وحدة من الطلاب يلي بدعمهم الصندوق.

 

رح أصير أخيراً طالبة في الجامعة! أدرس وأبدع زي غيري!

كان صندوق الأمان عبارة عن الفانوس السحري يلي حققلي كل طموحاتي. تابعوا دراستي مثل متابعة الأب لأولاده بالإضافة انهم دفعوا إيجار بيتنا. ما رح أنسى سعادتهم لما كان ينتهي كل فصل دراسي وفرحتهم بكل درجة عالية حصلت عليها.

 

رميت كل الهم والحزن ورا ظهري، وحققت هدفي بفضل صندوق الأمان. ومش هيك وبس! أنا هلأ متزوجة وبستنى طفلي الأول، وعم بكتب قصتي من جوا مقر الصندوق…

 

عارفين ليش من جوا مقر الصندوق؟
لأني أنا اليوم موظفة بصندوق الأمان لمستقبل الأيتام…