صندوق الأمان
تبرعكم الكريم سيساعد الأيتام على إكمال تعليمهم وتأمين مستقبل أفضل





صندوق الامان | Success Story – Mariam’s Story
16772
rtl,page-template,page-template-full_width,page-template-full_width-php,page,page-id-16772,ajax_fade,page_not_loaded,,qode-title-hidden,side_menu_slide_with_content,width_270,qode-child-theme-ver-1.0.0,qode-theme-ver-10.1.2,wpb-js-composer js-comp-ver-5.1,vc_responsive

قصة مريم

بعمرو ما كان حلمي حلم عادي زي أحلام الأطفال بلعبة حلوة أو ملابس  جديدة، أو حتّى بغمرة حنونة من أهلي، كان حلمي أكبر مني بكتير، كنت أحلم باليوم يلي رح أصير فيه قادرة على اني اتحمل مسؤولية عائلتي ، أصرف عليهم، آدير بالي عليهم، وأقدّملهم كل الي بحتاجو، بالضبط كأني أب حقيقيي ، بعوضّهم عن كل اللي مرو فيه من وجع وتعب في الحياة.

 

توفى والدي ابوي واحنا أطفال، وانتقلنا أنا وأخواتي الثلاث لنعيش في دار للأيتام، كُنت أكبر وحدة بأخواتي، أختي الصغيرة كانت رضيعة في هداك الوقت، ومن لحظة ما دخلنا على الدار وأنا عم بكبر وحلمي الصغير عم يكبر معي بمرور الأيام، صرت بدي أعمل بجدّ، وأجمع مصاري لأشتري بيت، وأضمّ أخواتي الثلاث مرّة تانية كعيلة، بس كيف بتحقق هذا الحلم الصعب لبنت يتيمة صغيرة الا بإني أكمل مسيرة التعلّم حتى يتحقق هذا الحلم !

 

الهاجس الكبير اللي كان دائما بطاردني، هو كيف رح أتابع دراستي؟ رح أنجح في التوجيهي؟ مين رح يوقف جنبي؟ وكلما كان خوفي بكبر، كلما زاد عندي الحافز لأتعلّم أكثر، وأدور على الفرصة الحقيقية اللي رح تشيل تنزع الخوف مني وتحسسني بالأمان! حتى اجا اليوم اللي عرفت اني ممكن ألاقي السند والدعم لاتابع دراستي عن طريق صندوق الأمان لمستقبل الأيتام.

 

وبالفعل، لقيت اللي كنت بدور عليه عن طريق الصندوق، اللي منحني الأمان الدراسي  الي كنت بدور عليه، وقدّملي الدعم حتى أكمل دراستي الجامعية، وما اتخلى عني طول مرحلة الدراسة سواء بحلّ المشاكل الجامعية أو تقديم التوجيهات أو انوا يلاقيلي الحلول لكل الصعوبات اللي واجهتها.

 

واليوم، بدعوكم لتشاركوني فرحتي، تخرجت من الجامعة، ولقيت وظيفة رح تساعدني على تحقيق حلمي.
بعرف أنو الطريق طويل وصعب، وأنو لسا كتير من التحديات عم تستناني، بس أنا متأكدة أنو الدنيا مخبيتلي فرحة كبيرة، وأنو هناك كثير من الإنجازات لسا عم تستناني في حياتي كمان.

 

رح أحاول اني أردّ الجميل للصندوق وأقدّم كل اللي بقدر عليه من عون عشان ناس غيري كمان ياخدوا الفرصة الي اخدتها انا.